Қазақстанның 17 жасқа дейінгі жасөспірімдер құрамасы 2026 жылғы Еуропа чемпионатына іріктеу кезеңін В дивизионында өте сәтті өткізді, деп хабарлайды tenbildop.kz.
17 қараша күні біздің жас команда Хорватиядағы іріктеу турнирінің үшінші туры аясында Албанияны 2:1 есебімен жеңді.
Нәтижесінде Қазақстанның жасөспірімдер құрамасы В дивизионының турнирлік кестесінде алты ұпаймен бірінші орынды иеленіп, енді Еуро-2026 жолдамасы үшін күресті А дивизионында жалғастырады. Айта кету керек, біздің команданың келесі кезеңге шығуына осы дивизионның қожайындары — хорваттардың Нидерландты 3:2 есебімен жеңуі көмектесті.
Ал «қызғылт сары» құрам (Нидерланд) екінші турда Қазақстанды 4:1 есебімен ұтқан болатын.
Турнир қорытындысында хорваттар мен қазақстандықтар бірдей — алты ұпай жинады. Алайда Бауыржан Сағындықтың шәкірттері өзара кездесудегі жеңісі (2:1) арқасында келесі кезеңге өтті. Еуропа чемпионатының финалдық кезеңіне жолдама беретін іріктеудің екінші сатысы 2026 жылдың көктемінде өтеді.