Италиялық «Ювентус» клубының бас бапкері Игор Тудор командамен келісімшартын ұзартты. Бұл туралы клубтың ресми сайты хабарлады.
«Құштарлық. Харизма. “Ювентус” рухы. Бұл – Игор Тудор наурыз айының соңында команданы қабылдап алғалы бері “Ювентусқа” әкелген және алдағы жылдары да олицетворениесі болып қала беретін қасиеттер.
Енді бұл ресми: Тудор “Ювентуспен” келісімшартын ұзартты. Хорват бапкер команда тізгінін 2027 жылдың 30 маусымына дейін ұстайды, ал келісімшартты тағы бір жылға — 2028 жылдың 30 маусымына дейін ұзарту мүмкіндігі қарастырылған. Оның келесі үлкен сынағы — осы жазда команда Клубтар арасындағы әлем чемпионатына қатысу үшін АҚШ-қа аттанады», — делінген клуб хабарламасында.
Айта кетейік, «Ювентус» 2024/2025 жылғы маусымда Италия чемпионатын төртінші орынмен аяқтады. Команда 38 матчтың қорытындысы бойынша 70 ұпай жинады. Ел чемпионы — 82 ұпаймен «Наполи» болды.