Футболдан Қазақстан ұлттық құрамасының экс-ойыншысы Таңат Нөсербаев «Ордабасы» футбол клубының спорттық директоры қызметіне тағайындалды.
Бұған дейін бұл жұмысты Қайрат Әшірбеков атқарған болатын. Орынын Нөсербаевқа босатып бергенмен, Әшірбеков команданың басшылық құрамында қала берді.
Айта кетейік, Таңат Нөсербаев Шымкент қаласының тумасы. Сондай-ақ «Ордабасы» жейдесінде 120 ойынға қатысып, 22 мәрте мергендігімен көзге түскен.