Хавьер Маскерано Лионель Мессидің «Интер Майамиді» шабыттандырып жүргенін айтты, деп хабарлайды Tenbildop.kz сайты.
37 жастағы аргентиналық шабуылшы клубтық әлем чемпионатының топтық кезеңінің 2-турында «Портуға» қарсы ойында айып добынан гол соғып, командасына жеңіс сыйлады (2:1).
«Бұл — бізге қалай күресу керектігін көрсететін ойыншы. Ол әлі де жеңіске құштар және жарысты жалғастырғысы келеді.
Тіпті ойынның соңғы минуттарында шаршап, жарақатпен ойнап жатса да, қолынан келгенше командаға көмектесуге тырысты — шабуылда да, қорғаныста да. Ол команданы алға сүйрейді.
Біз оның алаңдағы болуы бізге артықшылық беретінін жақсы білеміз. Бірақ ең бастысы — ол бізге өзінің жұқпалы позитивімен, жеңіске деген рухымен көмектеседі», – деді «Интер Майами» бас бапкері.